Hammer: Important Candle Stick Chart Pattern of Technical Analysis
 |
| Gold USD chart ...... |
शेअर बाजारात तेजीचे संकेत देणारा हॅमर कँडलस्टिक पॅटर्न म्हणजे काय?: शेअर बाजारात तांत्रिक विश्लेषण (Technical Analysis) करताना वापरण्यात येणाऱ्या विविध कँडलस्टिक पॅटर्न (Candlestick Patterns) पैकीच अत्यंत महत्वाचा "हॅमर कँडलस्टिक पॅटर्न" हा आहे. आपण जर नेहमीच नुकसान करीत असलो तर हातोडा वापरुन नुकसानीची मालिका तोडण्याची धमक या कॅन्डलमध्ये आहे. मात्र त्यासाठी त्याचा सराव करणे महत्वाचे असून ही कॅन्डल योग्य ठिकाणी आणि योग्य वेळी ओळखणे खूप कौशल्याचे काम आहे. इनवर्टेड हॅमर (Inverted Hammer) म्हणजेच उलटा हातोडा आणि हातोडा (Hammer) हे दोन्ही कँडलस्टिक पॅटर्न (Candlestick Patterns) हे सारखेच काम करतात आणि दोन्ही हॅमर हे बाजारात तेजी (Bullish Reversal) येण्याचे संकेत देत असतात. या लेखात दोन्ही हॅमर बाबत माहिती घेवूया...
इनवर्टेड हॅमर (Inverted Hammer) आणि हॅमर (Hammer) कँडलस्टिक पॅटर्न म्हणजे काय?
ही एक कँडल असून एकाच कँडलमूळे हा पॅटर्न तयार होत असला तरी त्याचे निर्माण होण्याचे ठिकाण कोणते आहे, त्यावर त्याची विश्वसनीयता अवलंबून आहे. हॅमर कँडल म्हणजे हातोड्याच्या आकारासारखी दिसणारी कँडल. ही कॅन्डल बाजारात तेजी (Bullish Reversal) येण्याची शक्यता दर्शवते. अगोदरच चर्चा केली त्यानुसार, हॅमर कँडलस्टिक पॅटर्न हा साधारणपणे मार्केट डाउनट्रेंडमध्ये असताना (downtrend) त्याच्या तळाशी (bottom) तयार होतो. आणि येथून त्याला उलटी कलाटणी मिळते; म्हणजेच मार्केट किंवा एखाद्या शेअरची किंमत यू-टर्न घेवून वर जाते.
हा पॅटर्न ओळखायचा कसा आणि त्याची प्रमुख वैशिष्ट्ये कोणती आहेत?
हॅमर कँडलची बॉडी लहान असते (Small Body):- हॅमर कँडलची बॉडी खूप लहान असते म्हणजे इतर कॅन्डलचे तुलनेत लहान आकार असतो आणि ही बॉडी हिरव्या (green) किंवा लाल (red) रंगाची असू शकते. असे असले तरी ट्रेड घेण्यासाठी हिरव्या रंगाची बॉडी अधिक सकारात्मक मानली जाते, कारण याठिकाणी बायर्स (खरेदीदार) लोकांची संख्या वाढलेली असते. आता ही लहान बॉडी तयार होण्याचे कारण काय? तर त्या कॅन्डलची ओपनिंग (opening) आणि क्लोजिंग (closing) किमतींमध्ये फारसा फरक नसतो, म्हणून त्याचा आकार हातोड्या सारखा दिसतो.
खालच्या बाजूला शेपटी किंवा सावली लांब असणे (Long Lower Wick/Shadow):- हॅमर पॅटर्न ओळखण्याची दुसरी कसोटी म्हणजे त्याची खालची सावली किंवा शेपटी खूप लांब असते. म्हणजे हातोड्याच्या दांडयासारखे दिसते. ही शेपटी बॉडीच्या लांबीच्या किमान दुप्पट किंवा त्याहून अधिक लांब असते. ही शेपटी असे दर्शविते की, विक्रेत्यांनी (sellers) किंमत खूप खाली खेचली होती; परंतु नंतर खरेदीदारांनी (buyers) जोरदार खरेदी करून किंमत वर आणली आणि ती ओपनिंग किमतीच्या जवळ किंवा त्याहून वर बंद केली. म्हणजे याठिकाणी खरेदीदार लोकांची संख्या वाढली.
वरच्या बाजूला कमी सावली किंवा शेपटी (Very Small or No Upper Wick/Shadow):- हॅमर कँडलला वरची सावली किंवा शेपटी (upper wick) खूपच लहान असते किवा अनेक वेळा ती नसते सुद्धा. ही छोटी सावली किंवा शेपटी हातोड्याच्या वर निघालेला दांडा असल्यागत दिसते.
हॅमर पॅटर्नचे महत्त्व आणि हा पॅटर्न ओळखून त्याचा वापर कसा करावा?
अगोदरच संगीतल्यानसुयर हॅमर पॅटर्न शेअर बाजारातील 'बुलिश रिव्हर्सल' (Bullish Reversal) चा मजबूत संकेत देत असतो. हा पॅटर्न ही दर्शवितो की, 1) विक्रेत्यांचा दबाव कमी होतोय, 2) खरेदीदारांची ताकद वाढत आहे, आणि 3) ट्रेंड बदलण्याची शक्यता आहे म्हणजे मार्केट वरच्या दिशेने जाण्याची शक्यता आहे. डाउनट्रेंडमध्ये शोधा: हा पॅटर्न नेहमी डाउनट्रेंडमध्ये शोधा. जर तो अपट्रेंडमध्ये (uptrend) दिसत असेल, तर त्याला "हँगिंग मॅन" (Hanging Man) म्हणतात आणि तो मंदीचा (bearish) संकेत देऊ शकतो.
सपोर्ट लेव्हल (Support Level) वर जर हॅमर पॅटर्न तयार झाल्यास मार्केट वर जाण्याचे मोठे संकेत मिळत असतात. त्यामुळे हा पॅटर्न कोणत्या ठिकाणी तयार झाला याला अधिक महत्व आहे. कारण हॅमर कॅन्डल चार्टवर अनेक ठिकाणी तयार होते. मात्र प्रत्येक वेळी आपण ट्रेड न घेता Support Level वर हा पॅटर्न तयार होण्याची वाट पाहणेच फायद्याचे असते. हा पॅटर्न Support Level वर तयार झाल्यावर त्यानंतरची कॅन्डल बुल्लिश (Bullish Candle) म्हणजेच ग्रीन रंगाची तयार होणे गरजेचे असते. हॅमरचे शेपटीचे खाली स्टॉप लॉस लावून ट्रेडमध्ये प्रवेश घेता येतो.
टिप्पणी पोस्ट करा